Hayahay, mahanduraw nako ang 'hangin'. Kon mabatyagan ang hangin, kon wala gahunahuna og mga problema, way kabalaka, apan anaay makaon, anaa ang ang kanindot, kalinaw, katahom sa palibot, anaa ang pagpasalamat, mao tingali ni ang matawag nga hayahay.
Bisan payag lang nga kawayan, kon gipalibotan og matahom nga kinaiyahan, busog ang tiyan, may kalinaw, may hinigugma, may trabaho, ug sa diha sa pantawan nagpahayahay...
hayahay gyod.
Adunay pagpauraray, adunay pagpa-'agay', pagsakay sa dagan sa matag gutlo nga gimok kun pag-usob sa mga bulok sa palibot ug diha sa kahiladman. Abli ang kahimatngonan nga gatan-aw, gapamatyag, gatungha diha sa agay sa reyalidad diha sa palibot ug sa sulod sa kahiladman.
Unsa poy ayahay alang kanimo?
No comments:
Post a Comment